Um Íslensku Kristskirkjuna

ikk fossaleynir 006Kirkjan

Íslenska Kristskirkjan er lútherskur fríkirkjusöfnuður, viðurkennt skráð trúfélag og veitir meðlimum sínum alla almenna kirkjulega þjónustu svo sem skírn, fermingu, hjónavígslur og útfarir. Söfnuðurinn á bakgrunn sinn í samtökunum Ungt fólk með hlutverk, sem störfuðu í 21 ár sem leikmnannahreyfing innan þjóðkirkjunnar. Íslenska Kristskirkjan var stofnuð haustið 1997.

Trú okkar

Kenningargrundvöllur kirkjunnar er hinn sami og annarra lútherskra safnaða. Við leggjum áherslu á endurlausnarverk Jesú Krists og þá fyrirgefningu sem okkur hlotnast fyrir trúna á hann og að allir menn verði að eignast lifandi trú. Við leggjum áherslu á mikilvægi Biblíunnar sem heilagrar ritningar og að í henni birti (opinberi) Guð okkur syndugum mönnum vilja sinn og sýni okkur leiðina til hjálpræðis og helgunar í daglegu lífi. Við trúum því að Biblían sé innblásin af Heilögum anda og þannig einstök sem Orð Guðs og æðsta viðmiðun í öllu er varðar trú og breytni. Við leggjum áherslu á verk Heilags anda og mikilvægi náðargjafa hans eins og þeim er lýst í Nýja testamentinu.

Prestshjóninolafur og lisa

Ólafur H. Knútsson er prestur safnaðarins og annast hann allar kirkjulegar athafnir svo sem skírn, heilaga kvöldmáltíð, fermingar, hjónavígslur og útfarir. Ólafur er fæddur á Sauðárkróki 1962.  Hann lauk stúdentsprófi frá Fjölbrautaskóla Vesturlands, Akranesi 1983, útskrifaðist úr Lögregluskóla ríkisins 1989 og hefur starfað í lögreglunni í Reykjavík í tæp 30 ár ­ sl. 10 ár sem varðstjóri í umferðardeild LRH. Hann hefur sótt ýmis námskeið á vegum lögreglunnar m.a. námskeið í félagastuðningi og sótt Dale Carnegie námskeið. Hann var einn vetur í biblíuskóla hjá Konungsgarði.

Lísa María Jónsdóttir, eiginkona Ólafs, er fædd á Akureyri árið 1962 og er leikskólakennari að mennt. Hún starfaði sem slík í 16 ár, þar af sem leikskólastjóri í 4 ár. Hún hefur sinnt sálgæslu og var einn vetur í biblíuskóla hjá Konungsgarði. Þau hjónin hafa tekið virkan þátt í starfi kirkjunnar og verið meðlimir hennar frá árinu 1999. Þar hafa þau ásamt öðru góðu fólki séð um hjónanámskeið, staðið fyrir uppeldisnámskeiði og unnið við Alfa námskeið á vegum kirkjunnar. Ólafur og Lísa María eiga fjögur uppkomin börn og 4 barnabörn. Þau hafa einnig tekið reglulega börn í fóstur og hafa bæði lokið Foster Pride námskeiði á vegum Barnaverndarstofu.

Safnaðarráð

Forysta Íslensku Kristskirkjunnar er í höndum svokallað safnaðarráðs. Safnaðarráðið skipa 5 til 7 aðilar. Prestur safnaðarins situr í safnaðarráðinu, er formaður þess og stýrir fundum. Kjörtímabil meðlima safnaðarráðsins, annarra en prests, er tvö ár. Heimilt er að endurnýja kosningu safnaðarráðsmeðlima allt að fjórum sinnum í röð, tvö ár í senn. Eftir það þurfa að líða tvö ár þar til viðkomandi á möguleika á að verða kjörinn í safnaðarráðið á ný.

Starfsárið 2014­-2015 er safnaðarráðið skipað eftirtöldum aðilum: Ólafur H. Knútsson, Erla Emilsdóttir, Guðbjartur Árnason, Guðjón Vilhjálmsson, Kristjana Sigmundsdóttir, Margrét Jakobsdóttir og Ragnar Schram.

Eyjólfsstaðir á Héraði

Í aðalbyggingunni Eyjólfsstöðum er góð aðstaða til að halda mót og ráðstefnur á vegum safnaðarins. Á hverju sumri er yfirleitt haldin fjölskylduvika í júní, almennt mót um verslunarmannahelgina og unglingamót (breytilegur tími). Auk þess er af og til boðið upp á námskeið eða annað sem eflt getur kristilegt safnaðarstarf. Á Eyjólfsstöðum eru samkomur flesta sunnudaga kl. 14:00 í kirkjusal skólahússins. Eyjólfsstaðir er skógræktarjörð, sem tekur þátt í skógræktarverkefninu Héraðsskógum. Eyjólfsstaðir hafa verið með í því verkefni frá árinu 1991, og er hinn nýji Eyjólfsstaðaskógur nú farinn að setja mikinn svip á landið. Eyjólfsstaðir eru á Fljótsdalshéraði, aðeins 9 km suður af Egilsstöðum, og sjást húsin mjög vel frá þjóðvegi 1, hvít hús með bláum þökum. Á Eyjólfsstöðum er rekin gistiþjónusta samhliða því að vera starfsmiðstöð Íslensku Kristskirkjunnar á Austurlandi.

Netfang: This email address is being protected from spambots. You need JavaScript enabled to view it.
Heimasíða: www.eyjolfsstadir.is

sími 471 2171

Instagram



Bænarefni

Megum við biðja með þér?

Smelltu

unik logo

Samkomur unga fólksins

Föstudagskvöld kl.20

Meira um UNIK

logo1 invert

Staðsetning

Fossaleyni 14
112 Reykjavík

Hafðu samband

Sími: 567 8800
Email: kristskirkjan@kristskirkjan.is

Opnunartímar

Þri - Fim: 13 - 17 | Fös: 13 -16
Nánar um samkomur og aðra viðburði